Apple-მა იცის როგორ გაგვაოცოს. 15 ოქტომბერს კომპანიამ მე-7 თაობის iPad mini წარადგინა. ეს არის პირველი პლანშეტი, რომელიც შექმნილია Apple Intelligence-თან მუშაობისთვის. დღევანდელ ბლოგში განვიხილავთ, თუ რა უნდა იცოდეთ ახალი მოწყობილობის შესახებ.
iPad mini 7-ის დიზაინი და ზომები
მინიმალიზმი და გააზრებული ერგონომიკა არასოდეს გადის მოდიდან. ახალი მოდელის დიზაინი ასახავს 2021 წლის ვერსიას: თხელი ჩარჩოები, ეკრანი მკვეთრ კიდეებამდე, რაც უზრუნველყოფს კომფორტულ მოხმარებას ცურვის გარეშე.
მინი ვერსიის ზომები უცვლელი რჩება: სიმაღლეში 203,2 მმ, სიგანეში 134,8 მმ და სისქეში 6,3 მმ. ეკრანის დიაგონალი 8.3 ინჩია. კომპაქტურობა, მობილურობა და ძლიერი შესრულება თქვენს ხელშია. პლანშეტის ტარება და გამოყენება ძველებურად მარტივია: iPad mini 7 იწონის მხოლოდ 293 გრამს (Wi-Fi ვერსია) და 297 გრამს (Wi-Fi + Cellular). მოწყობილობის კორპუსი დამზადებულია გადამუშავებული ალუმინისგან, რადგან Apple აგრძელებს ეკოლოგიურად სუფთა წარმოებას.
ოთხი ფერი და გაფართოებული შიდა მეხსიერება
ახალი მოწყობილობა გვხვდება 4 ფერში, რომლებიც ერგება ნებისმიერ გემოვნებას:
· Starlight
· Blue
· Purple
· Space Gray
წინა iPad mini ვერსიისგან მთავარი განსხვავება მეხსიერების გაზრდილი პარამეტრებია. წინა მოდელი მხოლოდ 64 GB და 256 GB გვთავაზობდა, ახალში კი 128 GB, 256 GB და 512 GB ვერსიებია ხელმისაწვდომი.
საოცარი შესრულება პროფესიონალური ამოცანებისთვის
კომპაქტური iPad mini 7 Apple A17 Pro ჩიპით იკვებება, რომელიც შარშანდელ iPhone 15 Pro-სა და iPhone 15 Pro Max-შიგვხვდება. ეს სმარტფონები ცნობილია მათი მძლავრი გეიმინგ შესაძლებლობებით. ექვსბირთვიანი CPU პლანშეტის მუშაობას 30%-ით აუმჯობესებს წინა თაობასთან შედარებით, ხოლო ხუთბირთვიანი GPU გრაფიკულ დამუშავებას 25%-ით. ახალი ჩიპი და გაზრდილი მეხსიერება ამარტივებს და აჩქარებს დიდ ფაილებთან მუშაობას. A17 Pro ჩიპი არა მხოლოდ მძლავრი, არამედ ენერგოეფექტურიცაა: პლანშეტი ერთი სრული მუხტით 10 საათამდე სამუშაო დროს უზრუნველყოფს, რაც სრული სამუშაო დღისთვის ნამდვილად საკმარისზე მეტია.
Liquid Retina ეკრანი 500 nits მაქსიმალური სიკაშკაშით საშუალებას გაძლევთ კომფორტულად იმუშაოთ თუნდაც კაშკაშამზის ქვეშ.
ძირითადი სპეციფიკაციები:
· 12 MP ფართოკუთხოვანი კამერა და 12 MP ულტრაფართო წინა კამერა
· 12 MP ფართოკუთხოვანი კამერა Smart HDR 4 ტექნოლოგიის მხარდაჭერით
· Center Stage ფუნქცია ვიდეო ზარებისთვის
· USB-C პორტი მონაცემთა გადაცემის 10 გბ/წმ-მდე სიჩქარით
· 5G და Wi-Fi 6-ის მხარდაჭერა ქსელის უფრო სწრაფი მუშაობისთვის, დიდი მასალების ჩამოტვირთვისა და სტრიმინგისთვის
· სტერეო დინამიკები
· Touch ID უსაფრთხო ავთენტიფიკაციისთვის
არა მხოლოდ მუშაობის, არამედ გართობისთვისაც
iPad mini 7-ის გეიმინგ შესაძლებლობები ნამდვილად შთამბეჭდავია. GPU მხარს უჭერს hardware-accelerated ray tracing-ს,რაც ოთხჯერ უფრო სწრაფია ვიდრე software-based ray tracing. hardware-accelerated mesh Shading-თან ერთად კომბინაციაში მოწყობილობა უფრო დეტალურ და რეალისტურ გამოსახულებას იძლევა – მათ შორის ლამაზი ანარეკლები, ჩრდილები, წყლის ზედაპირი და სხვა.
ის ასევე მხარს უჭერს დინამიურ ქეშირებას, რომელიც აანალიზებს პროცესებს რეალურ დროში და გამოყოფს მხოლოდ საჭირო მეხსიერებას თითოეული ამოცანისთვის, რაც აუმჯობესებს რესურს ინტენსიური აპლიკაციების მუშაობას.
iPad mini 7 უმკლავდება ყველაზე მომთხოვნ AAA თამაშებსაც კი როგორიცაა Zenless Zone Zero.
Apple Intelligence
iPad mini 7-ის ერთ-ერთი მთავარი მახასიათებელი Apple Intelligence-ის მხარდაჭერაა. პლანშეტი არა მხოლოდ ოპტიმიზაციას უკეთებს შესრულებას, არამედ ინტერფეისაც სპეციალურად თქვენთვის ადაპტირებს.
Apple Intelligence-ის მახასიათებლები iPad mini 7-ზე:
· ტექსტის რედაქტირება Notes-ში, ელფოსტასა და სხვა აპებში
· მეტად ინტეგრირებული Siri ახალი დიზაინით. ხმოვან ასისტენტს უკეთ ესმის თქვენი და კომუნიკაცია უფრო ბუნებრივია.
· Photos აპში, Memories ფუნქცია გეხმარებათ საძიებო ზოლში აღწერილობის შეყვანით ფილმების შექმნაში. ახალი Clean Up ინსტრუმენტი მარტივად აშორებს არასასურველ ობიექტებს ფოტოებიდან.
· Apple Intelligence-ის სხვა ფუნქციები მოგვიანებით იქნება ხელმისაწვდომი, როგორიცაა უნიკალური ემოციები, ესკიზების სურათებად გადაქცევა და მრავალი სხვა.
Apple Pencil Pro შესაძლებლობები
iPad mini 7 თავსებადია როგორც Apple Pencil USB-C-თან, ასევე ახალ Apple Pencil Pro-სთან. Apple Pencil Pro გთავაზობთ ჰაპტიკურ გამოხმაურებას: ხელსაწყოებზე წვდომისთვის უბრალოდ მოუჭირეთ სტილუსს. ამ მოწყობილობის დახმარებითiPad mini 7 ნამდვილ ტილოდ გადაიქცევა. გარდა ამისა, Apple Pencil Pro მხარს უჭერს Find My ფუნქციას, წყვილდება, იმუხტება და ინახება iPad mini 7-ის ახალი მაგნიტური ინტერფეისის გამოყენებით.
iPad mini 7 ფასი საქართველოში
iPad mini 7-ის შეძენას iSpace-ში შეძლებთ. ყველა ფერისა და კონფიგურაციის წინასწარი შეკვეთები და ოფიციალური ფასები მალე გახდება ხელმისაწვდომი. თვალყური ადევნეთ ჩვენს ვებსაიტს და ინსტაგრამის გვერდს – გამოიწერეთ და არ გამოტოვოთ!
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
