iOS 16.2, iPadOS16.2 და macOSVentura13.1-ის აპლიკაციების ბიბლიოთეკაში დიდი ალბათობით შენიშნავდით ახალ სიმბოლოს – ეს არის ახალი Freeformსერვისი, სადაც შეგიძლიათ საოცარი პროექტების შექმნა,ტექსტის და ვიზუალური ქონთენთის გამოყენებით. უფრო მეტიც: აღწერაში ნახსენებია, რომ აპს აქვს მჭიდრო ინტეგრაცია Facetime-თან, რაც რეალურ დროშიკოლაბორაციის საშუალებას გვაძლევს. ვნახოთ როგორ მუშაობს ეს ყველაფერი.
რა არის Freeform?
Freeform არის ერთგვარი ვირტუალური დაფა საკმაოდ მოქნილი ფუნქციონალით. მისი დახმარებით შესაძლებელია საკუთარი იდეების სტრუქტურირება და პრეზენტაციის სახის მიცემა. ეს შეიძლება იყოს ფოტოსესიის მუდბორდი, სასკოლო პრეზენტაცია, კრეატიული ან ბიზნესპროექტის გეგმა – მოკლედ, ყველაფერი.
Freeform მხარს უჭერს თითქმის ყველა ტიპის დოკუმენტს: ტექსტი, აუდიო, ფოტო, ვიდეო, ჩანახატი, სქემები, ცხრილები, სტიკერები, PDF-ები და ვებ ბმულებიც კი.
ერთი შეხედვით ახალი აპლიკაცია არც ისე ახალია. მართლაც, ძველ Notes აპშიც შეიძლება ჩანაწერების შექმნა, ფოტოების დამატება და სხვებთან გაზიარება. გვერდითი მენიუც საკმაოდ მსგავსია. თუმცა, თუ უკეთ გაიცნობ Freeform-ს, მიხვდები, რომ მისი ფუნქციონალი გაცილებით ფართოა.
როგორ გამოვიყენოთ Freeform?
პირველ რიგში, დარწმუნდით, რომ გაქვთ Freeform თქვენს მოწყობილობაზე. თუ ვერ ხედავთ სასურველ სიმბოლოს აპების ბიბლიოთეკაში ან სამუშაო მაგიდაზე, განაახლეთ მოწყობილობები – iOS 16.2, iPadOS 16.2 და macOS Ventura 13.1.
შემდეგ, შეამოწმეთ iCloud პარამეტრები. გააქტიურეთ სლაიდერი Freeform-ის გვერდით. ამის შემდეგ კი შეძლებთ, სამუშაო სივრცის გაზიარებას.
- გახსენით Settings;
- Apple ID ანგარიში;
- აირჩიეთ iCloud;
- ჩამოშალეთ აპების სია, რომლებიც იყენებენ iCloud-ს;
- გააქტიურეთ Freeform.
Freeform აპის ყველა მონაცემი ხელმისაწვდომი გახდება თქვენს თითოეულ მოწყობილობაზე. დაიწყეთ პროექტი Mac-ზე და დაარედაქტირეთ iPad/iPhone-ზე.
მოქმედებების ალგორითმი Apple-ის ყველა მოწყობილობაზე იგივეა:
გახსენით აპლიკაცია. ინტერფეისი იქნება ნაცნობი და ინტუიტიური სამივე მოწყობილობაზე – Mac , iPad , iPhone .
სამუშაო სივრცეს ეწოდება დაფა. თითოეულ მათგანს აქვს ჩაშენებული ფაილ მენეჯერი. ის ხსნის წვდომას მენეჯმენტზე: შესაძლებელია დაფის სახელის შეცვლა, მისი დუბლირება, რჩეულებში დამატება, წაშლა ან გაზიარება.
შევქმნათ ჩვენი პროექტი. ამისათვის დააჭირეთ სიმბოლოს ზედა პანელზე. ობიექტის დაფაზე დასამატებლად, შეეხეთ ერთ-ერთ სიმბოლოს ზედა ზოლზე. მომხმარებელს შეუძლია სიმბოლოების, სთიქი ნოუთების, ფორმების, ხაზების, ტექსტების, მედია და სხვა ფაილების და ბმულების დამატებაც კი.
ყველა ობიექტი ადვილად იცვლის ფორმას და ფერს და ასევე მარტივად გადაადგილებადია. სამუშაო ველის ზომის შესაფასებლად ჩადეთ ტექსტი ან ფოტო და შემდეგ შეცვალეთ მასშტაბი ქვედა მარცხენა კუთხეში. საკმარისი ადგილია ყველაფრისთვის, მაგრამ სივრცე მაინც არ არის უსასრულო: ტილოს მაქსიმალური ზომა 400%-ს აღწევს. უნდა აღინიშნოს, რომ გამოსახულების ხარისხი არ უარესდება.
როგორ დავაკონფიგურიროთ კოლაბორაცია Freeform აპლიკაციაში?
ახალი აპლიკაციის ყველაზე სასარგებლო ფუნქციაა დაფის სხვა მომხმარებლებთან გაზიარების შესაძლებლობა. შეგიძლიათ იფიქროთ 100-მდე კოლაბორატორთან ერთად .
კოლაბორაციისათვის, მოწვეულებიც უნდა იყვნენ ავტორიზებული Apple ID ანგარიშში. თქვენ მიერ შეტანილი ყველა ცვლილება ინახება iCloud-ში და ყველა, ვისაც აქვს წვდომა დაფაზე, დაინახავს დაფის უახლეს ვერსიას. ეს ნიშნავს, რომ ინფორმაცია დაფაზე, ისევე როგორც თავად დაფა, არ მოქმედებს iCloud მეხსიერებაზე.
პირველი ნაბიჯი : გააერთიანეთ ყველა მოწყობილობა ერთ ანგარიშში. გახსენით Settings > Apple ID > iCloud და ჩართეთ Freeform.
მეორე ნაბიჯი: ღია დაფაზე, ზედა მარჯვენა კუთხეში, დააჭირეთ ღილაკს Share და აირჩიეთ, გაგზავნის მეთოდი.
მესამე ნაბიჯი: მას შემდეგ, რაც მომხმარებელი მიიღებს მოწვევას, ინსტრუმენტთა პანელზე გამოჩნდება ახალი ღილაკი Share – დაფის მფლობელს შეეძლება ნებართვების ცვლილება ყველა მომხმარებლებისთვის.
თუ გადაწყვეტთ პროექტის გაზიარება შეწყვეტათ, დააჭირეთ ღილაკს და დააჭირეთ გაზიარებული დაფის მართვას. შემდეგი, თქვენ უნდა აირჩიოთ ერთ-ერთი შემოთავაზებული მოქმედება:
- მომხმარებლის წაშლა – შეეხეთ იმ წევრის სახელს, რომლის წაშლა გსურთ, შემდეგ შეეხეთ წვდომის წაშლას.
- საკუთარი თავის ამოშლა სხვისი დაფიდან – შეეხეთ თქვენს სახელს, შემდეგ დააჭირეთ წაშლას.
- წვდომის დახურვა ყველა მონაწილისთვის – შეეხეთ წვდომის წაშლას, შემდეგ შეეხეთ წვდომის ამოღებას. ამ პარამეტრის არჩევა წაშლის დაფას სხვა მონაწილეთა მოწყობილობებიდან, მაგრამ მფლობელს მაინც აქვს მასზე წვდომა.
მუშაობის მახასიათებლები – iPhone, MacBook, iPad
მუშაობის პრინციპი იგივეა ყველა მოწყობილობაზე. და მაინც, მაქსიმალურად ეფექტური მუშაობისათვის გაითვალისწინეთ რამდენიმე პუნქტი.
Freeform აპი შექმნილია და ოპტიმიზებულია iPhone-ისთვის . თუმცა, პატარა ეკრანი არც თუ ისე კომფორტულია. რა თქმა უნდა, თქვენ ყოველთვის შეგიძლიათ მასშტაბირება, მაგრამ პროცესი უფრო რთულდება, თუ დაფაზე ბევრი ელემენტია, რომელიც მუდმივად უნდა იყოს თქვენს თვალწინ. თქვენ შეგიძლიათ დახატოთ ეკრანზე, მაგრამ ამის გაკეთება თითებით არ არის ძალიან მოსახერხებელი.
ამიტომ, აპლიკაციის გამოყენება iPhone-ზე შემოიფარგლება დაფების შექმნით მცირე რაოდენობით ტექსტური შენიშვნებით, ფოტოებით, ბმულებით, სტიკერებით. მაგრამ Apple-ის სხვა მოწყობილობებთან სინქრონიზაციის წყალობით, შეგიძლიათ იმუშაოთ პროექტზე iPad-იდან ან Mac-იდანაც.
Mac გთავაზობთ უდიდეს სამუშაო სივრცეს, განსაკუთრებით iMac. ასევე შეგიძლიათ, გამოიყენოთ ტრექფედი და მაუსი, ხოლო კლავიატურა სასარგებლოა დიდი ტექსტების აკრეფისთვის. თქვენ შეგიძლიათ მოხერხებულად მოაწყოთ თქვენი სივრცე, მოაწყოთ ყველა იდეა, ფაილი და დოკუმენტი.
სიცხადისთვის, ჩვენ შევქმენით Mac-ზე პრეზენტაცია. ჰოლივუდელი სცენარისტისა და რეჟისორის დევიდ მამეტის ლექციების კურსზე დაყრდნობით. დაფაზე ხედავთ წიგნის გარეკანს, მის ბმულს, სკრინშოტებს შენიშვნებით, კითხვებს განსახილველად. ჩვენ ასევე დავაკავშირეთ მომხმარებელი FaceTime-ის გამოყენებით .
მაგრამ კრეატიულობა სრულად იხსნება iPad–ზე . ის კომპაქტურია, ასე რომ თქვენ შეგიძლიათ წაიღოთ ყველგან. ამავდროულად, ეკრანის დიაგონალი საკმარისად დიდია დაფაზე ობიექტების გადასატანად. თქვენ შეგიძლიათ გამოიყენოთ Split View რეჟიმი, როდესაც ეკრანი გაყოფილია და ორი აპლიკაცია ერთმანეთის გვერდით არის, რათა გადაიტანოთ ფოტო ან არჩეული ტექსტი შესაბამის ველში. Apple Pencil მხარდაჭერის წყალობით პლანშეტზე ასევე შეიძლება ჩანაწერების და ჩანახატების შექმნა.
Freeform აპი iPad-ზე ასევე მხარს უჭერს Scribble ფუნქციას. ის საშუალებას გაძლევთ დაწეროთ ტექსტი სტილუსით ნებისმიერ ადგილას სამუშაო სივრცეში, რის შემდეგაც ხელნაწერი ფრაზა გარდაიქმნება ბეჭდურ ფორმატად. თქვენ არ გჭირდებათ განლაგების შეცვლა ან ზედმეტად ზუსტად წერა.
შთაბეჭდილება
Freeform აპლიკაცია მარტივი და ფუნქციონალურია. ფუნქციების უმეტესობა ჩვენთვის ცნობილია Apple-ის სხვა აპლიკაციებიდან.
განსაკუთრებული აქცენტი კეთდება iPad მომხმარებლებზე. აპლიკაციის გამოყენება პლანშეტზე ნამდვილად საუკეთესო გამოცდილებაა, რადგან აპლიკაციის სრული პოტენციალი მხოლოდ iPad-ზე ვლინდება, განსაკუთრებით მაშინ თუ იყენებს Apple Pencil-ს.
Appleყველა აქტუალური პროდუქტიხელმისაწვდომია iSpace | ApplePremiumReseller-თან. განათავსეთ შეკვეთა iSpace.ge – ზე და ჩვენ მოგაწვდით ნებისმიერ ქალაქში ან მობრძანდით ჩვენს ერთ-ერთ ფილიალში.
Apple მოწყობილობების ფუნქციონალების დამატებით გასაცნობად დარეგისტრირდით ვიდეო კონსულტაციაზე ან/და ინდივიდუალურ ან ჯგუფურ ტრენინგებზე. ჩვენი ექსპერტები ნათლად წარმოაჩენენ, თუ რა დგას ფრაზის უკან “Apple Magic “.
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
