შემთხვევით იყიდეთ საყვარელი შოუს არასწორი სეზონი? იყიდეთ აპლიკაცია რომელმაც იმედები გაგიცრუათ? ასეთ შემთხვევაში შესაძლებელია თანხის მოთხოვნა პირდაპირ Apple-სგან.
სამწუხაროდ, არ არსებობს გარანტია, რომ თანხას დაიბრუნებთ, თუმცა ცდად ნამდვილად ღირს.
აი, როგორ უნდა გავაკეთოთ ეს:
- თქვენს კომპიუტერზე, ტელეფონზე ან პლანშეტზე გადადით საიტზე reportaproblem.apple.com;
- გაიარეთ ავტორიზაცია თქვენი Apple ID-ით და პაროლით;
- ჩამოსაშლელ ველში აირჩიეთ Request a Refund;
- მეორე ჩამოსაშლელ ველში აირჩიეთ მიზეზი;
- ჩამოსქროლეთ და იპოვეთ პროდუქტი რომლის დაბრუნებაც გსურთ;
- აირჩიეთ Next;
- შეამოწმეთ ღილაკი შესყიდვის გვერდით, რომლის დაბრუნებაც გსურთ;
- დააჭირეთ Submit;
! თუ თქვენი შესყიდვა ჯერ კიდევ არ არის დადასტურებული, თანხას ვერ დაიბრუნებთ. თავდაპირველად უნდა დაელოდოთ გადასახადის დადასტურებას.
! თანხის დაბრუნება არ არის მყისიერი. Apple-მა უნდა მიიღოს გადაწყვეტილება დააბრუნებს თუ არა თანხას საერთოდ, რასაც მაქსიმუმ 48 საათი სჭირდება. დადებითი პასუხის შემთხვევაში თანხის Apple ID ბალანსზე ასახვას დამატებით 48 საათი სჭირდება.
! თანხის საკრედიტო ან სადებეტო ბარათზე დაბრუნებას კი შესაძლოა 30 დღე დასჭირდეს. თუ თანხა 30 დღის განმავლობაში არ აისახა თქვენს ანგარიშზე, Apple გირჩევთ ბანკთან დაკავშირებას.
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
