არ გაქვთ წვდომა ფიქსირებულ ინტერნეტზე, მაგრამ გაქვთ iPhone? გადააქციეთ თქვენი სმარტფონი მოდემად და გააზიარეთ ინტერნეტი თქვენს MacBook–ზე, iPad-ზე ან სხვა მოწყობილობებზე. დღევანდელ ბლოგში აგიხსნით თუ როგორ უნდა ჩართოთ ჰოთსფოთი iPhone-ზე და გააზიაროთ ინტერნეტი.
ჰოთსფოთი iPhone-ზე
პირველი, რაც უნდა გააკეთოთ, არის შეამოწმოთ, შეგიძლიათ თუ არა ინტერნეტის გაზიარება iPhone-დან. ყველა ოპერატორი არ უჭერს მხარს ამ ფუნქციას.
დასაწყისისთვის:
- გახსენით “Settings” > “Cellular” > “Personal Hotspot” ან “Settings” > “Personal Hotspot”.
- გააქტიურეთ Allow Others ფუნქცია.
თუ ფუნქცია მიუწვდომელია, დაუკავშირდით თქვენს ოპერატორს, რათა დაამატოთ ჰოთსფოთის ფუნქციონალი. მნიშვნელოვანია გვახსოვდეს, რომ ინტერნეტი გადაიცემა აქტიური SIM ბარათიდან(მნიშვნელოვანია მათთვის, ვინც იყენებს ორ SIM ბარათს).
ტრაფიკის გაზიარების უმარტივესი და სწრაფი გზაა “საკონტროლო ცენტრი”. უბრალოდ ჩამოუსვით თითი ეკრანს ზედა მარჯვენა კუთხიდან და დიდხანს დააჭირეთ მართვის ცენტრის ბლოკს (Wi-Fi, Bluetooth, თვითმფრინავის რეჟიმი, ფიჭური მონაცემები) ჰოთსფოთის მალსახმობის გამოსაჩენად.
თუ ყველა მოწყობილობა დაკავშირებულია ერთსა და იმავე ID-სთან, ისინი ავტომატურად სინქრონიზდებიან – პაროლის გარეშე. თქვენ არც კი დაგჭირდებათ Allow Others ფუნქციის აქტივაცია.
როგორ მოვიქცეთ თუ iPhone უარს ამბობს ინტერნეტის გაზიარებაზე?
როდესაც დააკავშირებთ iPhone–თან კომპიუტერს ან სხვა სმარტფონს, შეიძლება შეგხვდეთ სიტუაცია, როდესაც სმარტფონი უარზეა გაზიარებაზე. თუ პრობლემა არ არის დაკავშირებული ოპერატორთან და შეასრულეთ შემდეგი ნაბიჯები:
- გადატვირთეთ iPhone და მიმღები კომპიუტერი, პლანშეტი, საათი ან სხვა მოწყობილობა.
- შეამოწმეთ, მოძველებულია თუ არა iOS-ის ვერსია.
- გახსენით “General” > “Transfer or Reset [მოწყობილობა]” > “Reset” და შეეხეთ “Reset Network Settings”.
ყოველი მოქმედების შემდეგ შეამოწმეთ მუშაობს თუ არა მობილურის ჰოთსფოთი.
მეთოდი 1: ინტერნეტის გაზიარება Wi-Fi-ით
როგორ გავაზიარო ინტერნეტი iPhone-დან Wi-Fi-ით? გახსენით ჰოთსფოთი, შეამოწმეთ Wi-Fi პაროლი, ტელეფონის სახელი. თუ ყველაფერი კარგადაა, დარჩით ამ გვერდზე და დაელოდეთ კავშირის დამყარებას.
როგორ მივიღოთ ინტერნეტი? გახსენით “Settings” > “Wi-Fi” > იპოვეთ და აირჩიეთ სმარტფონი სიიდან.
“პარამეტრები” > “Wi-Fi” და იპოვნეთ სმარტფონი სიაში, რომელიც იზიარებს. რჩება მხოლოდ სასურველ ქსელზე დაჭერა და საჭიროების შემთხვევაში პაროლის შეყვანა.
ტრაფიკის გაზიარებამდე დააყენეთ ან შეცვალეთ Wi-Fi პაროლი ტელეფონზე. ასეთ შემთხვევაში ვერავინ/ვერაფერი გამოიყენებს თქვენს ინტერნეტს. ჩვეულებრივ, გაშვებისას, სმარტფონი ავტომატურად ქმნის პაროლს, მაგრამ ამის გაკეთება თავადაც შეგიძლიათ:
- გახსენით “Settings” > “Cellular” > “Personal Hotspot” > “Wi-Fi Password”.
კოდის არჩევისას გაითვალისწინეთ ორი რამ. პირველ რიგში, სიმბოლოები უნდა იყოს ლათინური, რიცხვები 0-დან 9-მდე, რამდენიმე სასვენი ნიშანი. ნებადართული მინიმუმია 8 სიმბოლო, მაგრამ შეგიძლიათ გამოიყენოთ მეტი. თუ არ დაიცავთ ამ წესებს, ვერ შეძლებთ სხვისი სმარტფონის ან კომპიუტერის ინტერნეტთან დაკავშირებას.
Wi-Fi “გაფუჭებულია”. როგორ მოვიქცეთ?
ჩართეთ ჰოთსფოთი iPhone–ზე:
- გადაამოწმეთ, რომ Allow Others ფუნქცია აქტიურია.
- დარწმუნდით, რომ სწორად გახსოვთ ქსელის სახელი და პაროლი.
- თუ გაქვთ iPhone 12 ან უფრო ახალი, გააქტიურეთ Maximum Compatibility და ხელახლა დაუკავშირდით.
არ დახუროთ გვერდი, სანამ კავშირი არ დამყარდება.
მეთოდი 2: დაკავშირება Bluetooth-ით
Bluetooth კავშირი არც თუ ისე სწრაფია, რაც აიხსნება საკომუნიკაციო პროტოკოლებით. მაგრამ ის მუშაობს ძველ კომპიუტერებზეც კი. მთავარია ხელთ გქონდეთ Bluetooth ადაპტერი. მოდით გავარკვიოთ, როგორ გავუზიაროთ ინტერნეტი iPhone-დან ლეპტოპს ან სხვა მოწყობილობას Bluetooth-ის საშუალებით.
ჯერ ჩართეთ ჰოთსფოთი ტელეფონზე, შემდეგ გახსენით პარამეტრები:
- იპოვეთ Bluetooth, ჩართეთ ან დარწმუნდით, რომ ჩართულია.
- ჩართეთ Bluetooth ლეპტოპზე, კომპიუტერზე ან სხვა მიმღებ მოწყობილობაზე.
- დაელოდეთ სანამ მოწყობილობა ამოიცნობს iPhone-ს და შეძლებს დაწყვილებას. შემდეგ გადამოწმების კოდები გამოჩნდება მოწყობილობების ეკრანებზე. ეს უზრუნველყოფს, რომ არ ცდილობთ სრულიად უცნობ მოწყობილობასთან დაკავშირებას. თუ ყველაფერი ემთხვევა, დაუკავშირდით.
- MacBook-ზე შეეხეთ Bluetooth სიმბოლოს მენიუს ზოლში, აირჩიეთ iPhone და მიიღეთ თქვენი ინტერნეტი.
მეთოდი 3: USB კავშირი
ეს მეთოდი აქტუალურია მაშინ, როცა ძველ კომპიუტერს ან ლეპტოპს ტრაფიკი სჭირდება და მას Bluetooth-ით ან Wi-Fi-ით ვერ უკავშრდებით. ბონუსი: თქვენი სმარტფონიც დაიტენება.
MacBook-ზე ინტერნეტის გასაზიარებლად, თქვენ უნდა აიღოთ Lightning – USB-C ან Lightning – USB-A კაბელი იმისდა მიხედვით, თუ რა მოყვება თქვენს კომპიუტერს:
- ჩართეთ ჰოთსფოთი.
- შეაერთეთ კაბელი. თუ ეს პირველი დაკავშირებაა, დაინახავთ Trust This Computer? დაადასტურეთ, რომ კომპიუტერი სანდოა.
- გახსენით Finder აპი ან iTunes (ძველი მოდელებისთვის), რომ ნახოთ იქ არის თუ არა მობილური როუტერი.
- თუ არაფერი შეცვლილა, გახსენით “System Preferences” > “Network” გათიშვისთვის და შემდეგ ხელახლა შეაერთეთ iPhone USB.
გაინტერესებთ, შეგიძლიათ თუ არა ინტერნეტის გაზიარება iPhone-დან USB-ით სხვა ბრენდის კომპიუტერთან და როგორ გააკეთოთ ეს? თუ კაბელი არ შეესაბამება კომპიუტერის პორტს, უბრალოდ გამოიყენეთ ადაპტერი.
USB არ მუშაობს. როგორ მოვიქცე?
თუ ყველაფერი სწორად გააკეთე და მაინც არ მუშაობს, სცადეთ:
- macOS-ის განახლება.
- ხელახლა დაკავშირება, iPhone-ის პოვნა Finder-ში ან iTunes-ში.
- აირჩიეთ Apple მენიუ კომპიუტერზე “System Preferences” > “Network”.
- თუ ტელეფონი არ არის ჩამოთვლილი ქსელის სერვისების სიაში, დაამატეთ იგი. თუ ის იქ არის, აირჩიეთ iPhone USB, გათიშეთ და შემდეგ ხელახლა შეაერთეთ.
- macOS-ის ადრინდელი ვერსიებისთვის, ნაბიჯები იქნება: iPhone USB > “More” > “Deactivate Service” > “Apply” > “More” > “Activate Service” > “Apply”.
ავტომატურად დააკავშირეთ ოჯახის ყველა წევრი
ვინ ითხოვს ჰოთსფოთს ხშირად? ოჯახი და ახლობლები. ყოველ ჯერზე რთული მანიპულაციების თავიდან ასაცილებლად, შეგიძლიათ პროცესის ავტომატიზაცია Family Sharing საშუალებით. ინსტრუქცია, თუ როგორ უნდა გააზიაროთ ინტერნეტი ტელეფონიდან ტელეფონში ამ შემთხვევაში, მაქსიმალურად მარტივია:
- პარამეტრებში იპოვეთ „Personal Hotspot“, გადადით „Family Sharing“-ზე და გაააქტიურეთ.
- აირჩიეთ ნათესავი/ახლობელი და მიუთითეთ, გსურთ თუ არა ყოველ დაკავშირებაზე დასტურის მოთხოვნა(“Request Confirmation”) თუ ავტომატურად მიწოდება(“Auto”).
Apple-მა შემოგვთავაზა მობილური ინტერნეტის გაზიარების სამი გზა iPhone-დან. ეს ძალიან მოსახერხებელია, რადგან ის იძლევა არა მხოლოდ ინტერნეტის მყისიერად გაზიარების საშუალებას მიმდინარე მოწყობილობებთან, არამედ ძველი ლეპტოპების და კომპიუტერების, მათ შორის ნებისმიერი სხვა ბრენდის დაკავშირებას, რომლებსაც რაიმე მიზეზით არ შეუძლიათ დაკავშირება Wi-Fi ან Bluetooth-თან.
თუ თავად გაგიჭირდებათ ამის გაკეთება, მობრძანდით iSpace-ში. ჩვენ არა მხოლოდ სწრაფად მოვაწესრიგებთ ყველაფერს, არამედ გასწავლით ტექნიკურ ნიუანსებსაც. ხოლო თუ ახალი iPhone-ის ან Mac-ის შეძენას გეგმავთ, ჩვენ გაგაცნობთ სიახლეებს. ისინი ღიად არის გამოფენილი ჩვენს მაღაზიებში: შეგიძლიათ თავად შეამოწმოთ და შეადაროთ.
პროდუქტის ბარათები:
ასევე გაეცანით:
Devialet აუდიო სისტემები: სიყვარული პირველივე ნოტებში
iPhone-ის ფარული ფუნქციები, რომლებიც არ გვხვდება Android-ზე
MacBook Pro M2 თუ M3 – ღირს თუ არა შეძენა?
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
