![](https://ispace.ge/blog/wp-content/uploads/2022/01/BLG_FB_MRCH-8-1440x720.png)
თუ თქვენს iPhone-ს დაუკავშირეთ პირველი/მეორე თაობის AirPods და iCloud ავტორიზაციისთვის Mac-ზეც იმავე Apple ID-ს იყენებთ, წესით ყურსასმენიც მზად უნდა იყოს გამოსაყენებლად.
იდეალურ შემთხვევაში, AirPods-ის გამოსაყენებლად საჭიროა მათი ყურებში მოთავსება, Bluetooth სიმბოლოზე დაწკაპუნება და ჩამოშლილი სიიდან შესაბამისი ყურსასმენის არჩევა.
თუ ჩამოშლილ Bluetooth მენიუში არ გამოჩნდა სასურველი AirPods, მათი დაკავშირება თქვენით მოგიწევთ, ამისათვის:
- თქვენს Mac-ზე გახსენით System Preferences;
- აირჩიეთ Bluetooth და დარწმუნდით, რომ ჩართულია;
- მოათავსეთ AirPods დამტენ ქეისში და ახადეთ სახურავი;
- ხანგრძლივად დააჭირეთ ქეისის უკანა ღილაკს სანამ სტატუსის შუქი თეთრად არ აციმციმდება;
- აირჩიეთ თქვენი AirPods Bluetooth მოწყობილობების სიაში და დააწკაპუნეთ Connect.
შემდეგში, როდესაც AirPods–ის Mac-თან ერთად გამოყენებას მოისურვებთ, საკმარისი იქნება მათი გაკეთება და დაკავშირება ავტომატურად მოხდება.
გამოიწერეთ iSpace და გაეცანით სიახლეებს პირველი.