ყველა თანამედროვე iPhone, iPad და MacBook აღჭურვილია მძლავრი ბატარეებით, რომლებიც 24–საათიან ავტონომიას უზრუნველყოფენ. თუმცა, დროთა განმავლობაში ბატარეების ტევადობა მცირდება. როგორ შეიძლება ამ პროცესის შენელება და ბატარეის/მოწყობილობის ჩანაცვლების გადადება? დღევანდელ ბლოგში სწორედ ამ საკითხზე ვისაუბრებთ.
როგორ გავახანგრძლივოთ MacBook-ის ბატარეის სიცოცხლე?
Mac–ის თანამედროვე მოდელების ბატარეები გათვლილია დაახლოებით 1,000 სრული დამუხტვის ციკლზე (0%-დან 100%-მდე). ეს არ ნიშნავს 1000 ცალკეულ დამუხტვას. თუ გუშინ Mac დამუხტეთ 50%-ით და დღეს კიდევ 50%-ით, ამ შემთხვევაში ჩაითვლება ეს 1 ციკლად. საშუალოდ, MacBook-ის ბატარეა ტევადობას 3–5 წლის აქტიური გამოყენების შემდეგ კარგავს. თუმცა, არასწორი ჩვევებით გაცილებით სწრაფად შეიძლება მისი დაზიანება.
როგორ შევინარჩუნოთ MacBook-ის ბატარეის სიცოცხლე:
- მოერიდეთ სრულ განმუხტვას. ხანდახან 0%-მდე დაცლა კრიტიკული არ არის, თუმცა რეგულარულად — საზიანოა. ოპტიმალური დიაპაზონი 20–80%-ია.
- ჩართეთ Optimized Charging. macOS-ის ჩაშენებული ალგორითმები აანალიზებს ჩვევებს და შესაბამისად მართავს დამუხტვას. მაგალითად: თუ კომპიუტერი მუდმივად შეერთებულია დენის წყაროზე (მუშაობისას), ის დარჩება 80%-ზე. უშუალოდ გამორთვამდე კი სისტემა თავად დაასრულებს 100%-მდე დამუხტვას. გასააქტიურებლად ჩაწერეთ Optimized Charging Spotlight-ში და გააქტიურეთ ფუნქცია Battery Health-ში.
- მოერიდეთ გადახურებას. რესურსინტენსიურ აპებში მუშაობა Mac-ს ახურებს. დააკვირდით, რომ ვენტილაცია არ იყოს დაბლოკილი (მაგ., საწოლზე გამოყენებისას).
- არ დატენოთ გამათბობელთან ან მზეზე. ეს იწვევს ბატარეას გადახურებას.
- დახურეთ აპები, რომლებსაც არ იყენებთ. ფონური პროცესები სისტემას ზედმეტად ტვირთავს და ბატარეის მუხტს სწრაფად ცლის.
როგორ შევამოწმოთ MacBook-ის ბატარეის მდგომარეობა?
- დააჭირეთ Option ღილაკს და დააწკაპუნეთ Apple ლოგოზე მარცხენა ზედა კუთხეში.
- აირჩიეთ System Information> Hardware> Power (ან Battery Information).
უსაფრთხოა თუ არა MacBook-ის მუდმივად დენის წყაროზე შეერთება?
დიახ. Mac-ს აქვს ჩაშენებული კონტროლერი, რომელიც ბლოკავს “ზედმეტი” ენერგიის მიწოდებას. ამიტომ მუდმივად შეერთება უსაფრთხოა.
როგორ გავახანგრძლივოთ iPhone-ის ბატარეის სიცოცხლე?
iPhone 14 და უფრო ძველ მოდელებში ბატარეა ინარჩუნებს თავდაპირველი ტევადობის დაახლოებით 80%-ს 500 სრული ციკლის შემდეგ. iPhone 15 და iPhone 16-ში ეს მაჩვენებელი იზრდება 1,000 ციკლამდე. როგორც კი ზღვარი გადალახულია და ტევადობა 80%-ზე ქვემოთ ჩამოდის, ტელეფონი უფრო სწრაფად კარგავს მუხტს.
რამდენ ხანს ძლებს iPhone-ის ბატარეა? ჩვეულებრივ, ქიმიური მოძველება 2–3 წლის აქტიური გამოყენების შემდეგ იწყება. მთლიანად ვერ ავიცილებთ, მაგრამ Apple რეკომენდაციებით პროცესის შენელება შესაძლებელია.
როგორ შევინარჩუნოთ iPhone-ის ბატარეა:
- განაახლეთ iOS — ახალ ვერსიებში სისტემის ოპტიმიზაციებია.
- შეინარჩუნეთ დამუხტვის დონე 20–80%-ის ფარგლებში.
- მოერიდეთ გადახურებას — არ დატოვოთ iPhone მზეზე, ბალიშის ქვეშ ან გამათბობელთან.
- დაარეგულირეთ პარამეტრები — ჩართეთ Auto-Brightness, გამოიყენეთ Low Power Mode.
- ჩართეთ Charge Limit და Optimized Charging, რომ iPhone-მა გაანალიზოს შენი ჩვევები და შეამციროს ბატარეის ცვეთა.
როგორ გავახანგრძლივოთ iPad-ის ბატარეის სიცოცხლე?
iPhone-ის მსგავსად, iPad-იც ინარჩუნებს ტევადობის 80%-მდე 1,000 ციკლის შემდეგ. როგორ შევინარჩუნოთ iPad-ის ბატარეა:
- შეამცირეთ ეკრანის სიკაშკაშე საჭიროების შემთხვევაში.
- ჩართეთ Low Power Mode მენიუში Settings > Battery.
- გამოიყენეთ Charge Limit ფუნქცია (ხელმისაწვდომია iPad Pro M4 და iPad Air M2-ში). იგი 80%-ზე აჩერებს დამუხტვას და ამცირებს ცვეთას.
- მოერიდეთ მაღალი ტემპერატურის გარემოს — არ დატოვოთ iPad მზეზე ან ცხელ ოთახში.
დამატებითი რჩევები ბატარეის სიცოცხლის გახანგრძლივებისთვის
თუ გარკვეული დროით არ აპირებთ მოწყობილობის გამოყენებას, დამუხტეთ 50–80%-მდე და მხოლოდ შემდეგ შეინახეთ. არ დატოვოთ MacBook, iPhone ან iPad სრულად დაცლილი ან 100%-ზე დამუხტულ და გამორთულ მდგომარეობაში.
ახლა უკვე იცით, როგორ შეინარჩუნოთ Mac, iPhone და iPad ბატარეა კარგ მდგომარეობაში რაც შეიძლება დიდხანს.
თუ მაინც გაჩნდება პრობლემები ბატარეასთან, მიმართეთ iSpace-ის ავტორიზებულ სერვის ცენტრს დიაგნოსტიკისა და საჭიროების შემთხვევაში — ჩანაცვლებისთვის. ჩვენი სპეციალისტები მუშაობენ Apple-ის სტანდარტების მიხედვით და იყენებენ მხოლოდ ორიგინალ ნაწილებს. ყველა სამუშაო მოიცავს საგარანტიო პირობებს — iSpace-თან ერთად თქვენი მოწყობილობა უსაფრთხო ხელშია.
ასევე გაეცანით
როგორ მოქმედებს Apple-ის გარანტია საქართველოში და რა უნდა ვიცოდეთ სერვისის შესახებ
TOP 5 iPhone აქსესუარი 2025 წელს
გიყვართ სპორტი? საუკეთესო Apple მოწყობილობები ვარჯიშისთვის
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
