როგორ გადავიღოთ iPhone ეკრანი?

iOS-ს აქვს ჩაშენებული iPhone ეკრანის ჩაწერის შესაძლებლობა. ფუნქცია სასარგებლოა, თუ გსურთ ვინმეს გაუგზავნოთ ვიდეო თუთორიალი, ან თუ უბრალოდ ცდილობთ TikTok ვიდეოს ჩაწერას და ვინმესთვის გადაგზავნას. სისტემა ავტომატურად იწერს ყველაფერს, რაც ხდება ეკრანზე და შემდეგ ინახავს Photos აპში.

გაიგეთ, თუ როგორ უნდა ჩაწეროთ iPhone ეკრანი ხმით ან მის გარეშე.

როგორ ჩართოთ ეკრანის ჩაწერა iPhone-ზე?

• პირველ რიგში, გახსენით Settings > Control Center;
• ჩამოსქროლეთ და დააჭირეთ მწვანე პლიუსის სიმბოლოს Screen Recording-ის გვერდით.

ამის შემდეგ, ღილაკი გამოჩნდება საკონტროლო ცენტრში. როგორც ხედავთ, თქვენ არ გჭირდებათ რაიმე პროგრამა iPhone-ის ეკრანის ჩასაწერად: ფუნქცია უკვე ჩაშენებულია iOS-ში.

როგორ ჩავწეროთ iPhone ეკრანი აპლიკაციის ხმით?

მას შემდეგ რაც დაამატებთ ფუნქციას საკონტროლო ცენტრში:

• გახსენით Control Center;
• დააჭირეთ ღილაკს Record;
• გადაღების დასასრულებლად, შეეხეთ ჩაწერის ინდიკატორს მარცხენა კუთხეში ან საკონტროლო ცენტრში.

სტანდარტულად, iOS-ს აქვს 3 წამიანი ტაიმერი. ეს საკმარისია იმისათვის, რომ გახსნათ სასურველი აპლიკაცია და დაიწყოთ გადაღება. ვიდეოს რედაქტირება ყოველთვის შესაძლებელია Clips პარამეტრებში.

მნიშვნელოვანია: თუ გსურთ iPhone ეკრანის ჩაწერა ხმით, აუცილებლად გამორთეთ Silent რეჟიმი.

როგორ გადავიღოთ iPhone ეკრანი ჩვენი ხმით

ეს სასარგებლოა, თუ თქვენ იწერთ თუთორიალს და გსურთ კომენტარი გააკეთოთ იმაზე, თუ რა ხდება ეკრანზე. ამ შემთხვევაში, ჩაწერილ ვიდეოს მოჰყვება თქვენი ხმა.

სანამ iPhone ეკრანის ხმით გადაღებას დაიწყებდეთ, იპოვეთ ჩუმი ადგილი და შემდეგ:

• გახსენით საკონტროლო ცენტრი;
• ხანგრძლივად დაიჭირეთ თითი Record ღილაკს;
• ჩართეთ მიკროფონი (სიმბოლო უნდა გახდეს წითელი);
• დააჭირეთ ღილაკს Start recording;
• გადადით აპლიკაციაში და დაიწყეთ გადაღება.

ჩაწერის შესაჩერებლად დააჭირეთ წითელ ინდიკატორს ზედა მარცხენა კუთხეში და აირჩიეთ “Stop”. ვიდეო თქვენი კომენტარებით გადავა iPhone-ის გალერეაში. თუ თქვენ გჭირდებათ ჩანაწერის რედაქტირება, გახსენით ვიდეო და შეეხეთ ღილაკს “Edit”.

მნიშვნელოვანია: თუ თქვენი iPhone ეკრანის ჩანაწერს ხმა არ აქვს, სცადეთ ხმის აწევა.

რა არის iPhone ეკრანის ჩაწერის ლიმიტი

არ არსებობს შეზღუდვები: შეგიძლიათ ჩაწეროთ განუსაზღვრელი ვადით. სანამ მეხსიერება ან ელემენტი ამოიწურება.

iPhone ეკრანის გადაღება Apple Music-ით

Apple გვაფრთხილებს, რომ ყველა აპლიკაცია არ გვაძლევს საშუალებას ჩავწეროთ iPhone ეკრანი. Apple Music ერთ-ერთი მათგანია. შეზღუდვა დაკავშირებულია საავტორო უფლებების დაცვასთან, რაც კრძალავს მუსიკის გავრცელებას საავტორო უფლებების მფლობელის ნებართვის გარეშე. Apple Music-ის ეკრანის ჩაწერით, მომხმარებელი არღვევს საავტორო უფლებებს, რაც დასჯადია კანონით.

თუ ჯერ კიდევ არ გესმით, თუ როგორ უნდა ჩაწეროთ iPhone ეკრანი, გვეწვიეთ iSpace-ში და ჩვენი სპეციალისტები ადგილზე აგიხსნიან ფუნქციას.