Apple Watch აპლიკაციების გამორთვა ან იძულებითი შეჩერება ერთი შეხედვით არც თუ ისე ინტუიტიური და მარტივია. თუმცა, watchOS 8–ში ამის გაკეთება ღილაკზე რამდენიმე დაჭერით არის შესაძლებელი.

Apple Watch-ზე აპლიკაციის გამოსართავად:

  • დააჭირეთ გვერდით ღილაკს;
  • გახსნილი აპლიკაციების სიაში იპოვეთ აპი, რომლის გამორთვაც გსურთ და გადაფურცლეთ მარცხნივ;
  • კონტექსტურ მენიუში შეეხეთ Close App სიმბოლოს.

ასევე შესაძლოა შეხვდეთ ისეთ პრობლემებს როგორიცაა, Apple Watch-ის გაჭედვა ან/და მუშაობის შეყოვნება. ასეთ შემთხვევაში საჭიროა “დამნაშავე” აპლიკაციის იძულებითი შეჩერება (Force Quit).

Apple Watch-ზე აპლიკაციის იძულებით შესაჩერებლად:

  • გახსენით აპლიკაცია, რომელიც იწვევს მოწყობილობის შეყოვნებას;
  • ხანგრძლივად დააჭირეთ გვერდით ღილაკს, სანამ არ გამოჩნდება Power Off;
  • ამის შემდეგ კი დააჭირეთ Digital Crown-ს.

ეს მოქმედება გამოიწვევს აპლიკაციის იძულებით შეჩერებას. აპლიკაციის ხელახლა გასახსნელად შეეხეთ მის სიმბოლოს მთავარ ეკრანზე.

არ ჩამორჩეთ სიახლეებს!

გამოიწერეთ iSpace და გაეცანით სიახლეებს პირველი.