Sidecar არის Mac და iPad-თვის შექმნილი ფუნქცია, რომელიც თქვენს პლანშეტს Mac-ის დამატებით ეკრანად გადააქცევს.
Sidecar-ის გამოსაყენებლად საჭიროა iPad-ის Mac-თან დაკავშირება. ამისათვის:
- ორივე მოწყობილობაზე გაიარეთ iCloud ავტორიზაცია ერთი და იგივე Apple ID-ით;
- მოათავსეთ iPad და Mac გვერდიგვერდ;
- Mac-ზე გახსენით Control Center > Display და აირჩიეთ თქვენი iPad.
! გაითვალისწინეთ: iPad–ის ენერგიის დაცლის თავიდან ასარიდებლად დააკავშირეთ Mac-თან კაბელით.
როგორ გამოვიყენოთ Sidecar?
Sidecar–ის ჩართვისას iPad პირდაპირ ითვისებს მეორე ეკრანის ფუნქციას, თუმცა ფუნქციას ასევე აქვს ეკრანის დუბლირების მხარდაჭერა. დუბლირების გააქტიურებისათვის: გახსენით Control Center და Display მენიუში აირჩიეთ Mirror [ეკრანის დასახელება].
აპლიკაციის ფანჯრის კომპიუტერიდან პლანშეტზე გადასატანად ან/და პირიქით, მიიტანეთ კურსორი აპის ზედა მარცხენა კუთხეში არსებულ მწვანე ღილაკთან და ჩამოშლილ მენიუში აირჩიეთ სასურველი ბრძანება.
! გაითვალისწინეთ: Sidecar საშუალებას გაძლევთ გამოიყენოთ სენსორული ზოლი მაშინაც კი, თუ ის თქვენს Mac-ზე არ არის. პანელი აისახება iPad-ის ეკრანზე. საკონტროლო ღილაკების გამოყენება შესაძლებელია როგორც თითით, ისე Apple Pencil-ით.
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
