თუ გიჭირთ დიდ ეკრანთან გამკლავება, მოგიყვებით თუ როგორ უნდა აკრიფოთ ტექსტი ცალი ხელით და რამდენად მოსახერხებელია ეს მეთოდი.
თქვენ შეგიძლიათ “მიამაგროთ” კლავიატურა თქვენი iPhone-ის ეკრანის მარცხენა ან მარჯვენა მხარეს, იმის მიხედვით, თუ რომელ ხელით კრეფთ ტექსტს.
ამისათვის:
– ტექსტის აკრეფისას დააჭირეთ ენის გადართვის სიმბოლოს (გლობუსი ქვედა მარცხენა კუთხეში);
– გახსნილ მენიუში, შეარჩიეთ კლავიატურის მდებარეობა – მარცხნივ, ცენტრში ან მარჯვნივ;
ეს ბევრად უფრო მოსახერხებელს გახდის ცალი ხელით აკრეფას და მინიმუმამდე დაიყვანს ტელეფონის ხელიდან გავარდნის რისკს.
თუ გსურთ, რომ კლავიატურა მუდმივად იყოს მიმაგრებულ მდგომარეობაში? გახსენით Settings > General > Keyboard > One-Handed Keyboard და აირჩიეთ მისი მდებარეობა.
არ ჩამორჩეთ სიახლეებს!
გამოიწერეთ iSpace და გაეცანით სიახლეებს პირველი.
